Pawlu Muscat
Kollezzjoni ta' figuri u mudelli relatati mal-kultura
soċjo-reliġjuża f'Malta
.png)
Bijografija
Pawlu Muscat twieled il-Ġermanja fid-9 ta' Novembrufl-1969 u għex u trabba f'Birkirkara. Minn età żgħira wera nteress fl-arti u fl-artiġjanat tradizzjonali Malti, interess li matul is-snin żviluppa u wasslu biex flimkien mal-familja jniedu l-proġett MUSart.
Huwa miżżewweġ lil Terry Muscat u għandu żewġt itfal, Andreas u Elena, li flimkien jagħtu kontribut siewi fil-qasam tal-kultura Maltija.
Dan l-interess ġie mqanqal f'Pawlu ta' età żgħira minn zijuh Fredu Muscat, delettant minn Birkirkara li baqa’ jagħmel presepju ġdid kull sena sal-aħħar snin ta’ ħajtu. Għalkemm Pawlu ħadem f’diversi oqsma marbuta mal-festi f’Malta, huwa l-aktar magħruf għall-ħidma tiegħu fl-għamla tal-Pasturi Maltin. Il-kollezzjoni ta’ pasturi maħduma minnu tinkludi għadd ta’ karattri li juru elementi tal-ħajja u tal-kultura Maltija tradizzjonali, fosthom l-użu ta’ materjali antik, ilbies tradizzjonali, kif ukoll figuri marbuta mal-kultura u r-reliġjon f'Malta. Matul is-snin, dan ix-xogħol kiseb popolarità fuq livell nazzjonali kif ukoll internazzjonali.
.png)
Il-Kollezzjoni ta' dawn l-aħħar ħamsin sena minn ġenerazzjonijiet tal-familja Muscat.
Milied
Kollezzjoni ta' pasturi maħdumin minn Pawlu Muscat u oħrajn li ġew maħdumin dawn l-aħħar ħamsin sena. Il-kollezzjoni tinkludi madwar 125 sett pasturi ta' diversi għamliet, qisien u materjali.
Ġimgħa Kbira
Diversi settijiet ta' vari li nħadmu fi snin tmenin minn diversi artisti. Flimkien ma' minjatura ta' purċissjoni tal-Ġimgħa l-Kbira, simboli u aċċessorji konnessi ma' dawn ż-żminijiet.
Festi
Disinni ta' pavaljuni u bandalori li saru għal diversi festi madwar Malta.
Il-kollezzjoni tkompli b'minjatura ta' armar li naraw fit-toroq kif ukoll minjatura ta' kamra tan-nar. Il-qofol jintlaħaq b'kollezzjoni mdaqqsa ta' statwi titulari u aċċessorji li jintramaw fuq l-artali fil-festi matul is-sena lituġika.
